Gramo bat baino ez du pisatzen, baina haren absentziak bizitza oso baten zama hartuko du. Hiru semeren ama batek laugarren haurdunaldia etetea erabaki du, eta ordutik aurrera, izan zitekeen haurrarekin bakarrik hitz egiten du horri buruz. Prozedura medikoaren hoztasuna eta bizipen intimoaren taupadak uztartuz, album ilustratu honek isilean bizi ohi den dolu bat ahoskatzen du.

Maider Leturiaga eta Nerea Loiola idazleak bertan izango dira. Solasaldia abenduaren 10ean izango da, arratsaldeko 18:30etan.